ဘန်ကောက် ဘားမီးလောင်မှု- လူ ၃၇ ဦး သေဆုံးခဲ့ရသည့် ဖြစ်စဉ်အတွက် ဘားပိုင်ရှင်ကို ရဲတပ်ဖွဲ့က ပုဒ်မ ၆ ခုဖြင့် တရားစွဲဆိုရန် ပြင်ဆင် 🚨⚠️

 

ပြီးခဲ့သည့် ဇူလိုင်လ ၁၂ ရက်နေ့က ဘန်ကောက်မြို့ရှိ နာမည်ကြီး Rong Beer Na Lad Phrao ဘားနှင့် စားသောက်ဆိုင်တွင် မီးလောင်မှုဖြစ်ပွားခဲ့ပြီး လူ ၃၇ ဦး သေဆုံးခဲ့ရသည့် ဖြစ်စဉ်နှင့် ပတ်သက်၍ ဘားပိုင်ရှင်ဖြစ်သူ Suvicha Salaibatr ကို ရဲတပ်ဖွဲ့က တရားစွဲဆိုရန် ပြင်ဆင်နေကြောင်း သတင်းရရှိပါသည်။

အဓိက စုံစမ်းစစ်ဆေးရေးမှူး Isara Na Phatthalung ၏ အဆိုအရ ဘားပိုင်ရှင်အား -
၁။ ပေါ့ဆမှုကြောင့် လူသေဆုံးစေမှု
 ၂။ ပြင်းထန်ဒဏ်ရာ ရရှိစေမှု
၃။ ထိခိုက်နစ်နာမှုနှင့် မီးလောင်ကျွမ်းမှု ဖြစ်ပွားစေမှု
၄။ အများပိုင်ပစ္စည်း ပျက်စီးစေမှု
၅။ လိုင်စင်မရှိဘဲ ဖျော်ဖြေရေးစခန်း ဖွင့်လှစ်ထားရှိမှု စသည့် ပုဒ်မ ၆ ခု အပါအဝင် ဖမ်းဝရမ်း ထုတ်ပြန်ထားပြီး ဖြစ်သည်ဟု သိရပါသည်။

ဘားပိုင်ရှင်သည် မီးလောင်မှုအတွင်း ဒဏ်ရာရရှိခဲ့၍ အထူးကြပ်မတ်ကုသဆောင် (ICU) တွင် ဆေးကုသမှု ခံယူခဲ့ရပြီး၊ လက်ရှိတွင် ICU မှ ထွက်ရှိလာပြီဖြစ်သော်လည်း ဆရာဝန်များ၏ ခွင့်ပြုချက်အရ တရားဝင် တရားစွဲဆိုချက်များကို ဖတ်ပြနိုင်ခြင်း မရှိသေးကြောင်း၊ လာမည့်ရက်ပိုင်းအတွင်း တရားစွဲဆို သွားမည်ဖြစ်ကြောင်း သိရပါသည်။

အကယ်၍ ပေါ့ဆမှုကြောင့် လူသေဆုံးစေသည့် ပုဒ်မတစ်ခုတည်းဖြင့်ပင် အပြစ်ရှိကြောင်း တွေ့ရှိပါက ထောင်ဒဏ် ၁၀ နှစ်အထိ ကျခံရနိုင်ပါသည်။

အဆိုပါ မီးလောင်မှုမှာ မျက်နှာကျက်ရှိ လျှပ်စစ်ဝါယာရှော့ဖြစ်ရာမှ စတင်လောင်ကျွမ်းခဲ့ခြင်းဖြစ်ပြီး၊ သေဆုံးသူအများစုမှာ မီးခိုးမွှန်း၍ သေဆုံးခဲ့ကြရခြင်းဖြစ်ကြောင်း ရဲတပ်ဖွဲ့က ထုတ်ပြန်ထားပါသည်။

#BangkokFire #ThailandNews #CNA #NewsUpdate  

https://www.channelnewsasia.com/asia/bangkok-police-seek-charges-bar-fire-6309251